Habakkuk
Thupatna
Habakkuk pen Pasian le kamsangpa kikupna ahikeh kihona dana kigelh hi. Habakkuk in Judah a uliante in mizawngte a nuainet uh mu-a, tua ciangin Pasian tungah bang hanga tua bang mi gilo mi nuainette a daupai dingin Pasian in phal hiam, cih dong hi. Pasian in ama tungah Judah-te dan thuaksak dingin Babylon-te kuan ding hi; a cih ciangin Habakkuk’ lungsim sukhazaw hi. Pasian teel Jew-te tunga thukhen dingin amaute sanga gilozaw Babylon-te bang hanga Pasian in zang hiam, cih a theitel zo kei hi. Pasian, a thutangte Pasian, upna tawh nungta dinga, Pasian in thumaanin na sem hi, ci-a a dawnna telcian ding uh hi. Pasian in ahun a tun ciangin Babylon-te tungah zong thu kikhen dinga, tua thutang pen Pasian mite tungah zong tung ding hi, ci-in Habakkuk tungah gen hi. Habakkuk in hih a laibu phatna thungetna tawh khum hi.
Athute tomlahna
Habakkuk dotna le Pasian’ dawnna (1:1-11)
Habakkuk nihvei dotna le Pasian’ dawnna (1:12-2:20)
Habakkuk thungetna (3:1-19)