Isaiah
Thupatna
Isaiah in Judah gam sungah Uzziah, Jotham, Ahaz le Hezekiah Kumpite a man’ hun sungin kamsang hi. Tang ngeina tawh kizui-in 680 BC lai pawlin, Isaiah pen Hezekiah tapa gilo Manasseh ukna nuai-ah thahna thuak hi.
Mite a gitlohna hangin Jerusalem le Judah tungah thu kikhen ding hi, ci-in Isaiah in vauhilh thithe hi. Alian 39 ah Babylon ah sal-a a kikaih ding uh genkhol hi. Ahi hangin amah mah in zong kumpi-gam a ngei bang kik ding hi, ci-in um hi.
Isaiah in alian 40 pan Pasian thuciamna hangin a hehnepna-in pan a: 1) Babylon-te salin a kikaih hangin Jerusalem ah kiciahkiksak ding hi; 2) thumaana a thuak nasempa hangin kihonkhia ding hi; 3) Pasian in a thak a thumaan kumpi-gam phut ding hi.
Athute tomlahna
Thukhenna le a ngei batsak ding lametna (1:1-6:13)
Assyria ahikeh Pasian lametna (7:1-12:6)
Minamte’ thu kamsanna (13:1-23:18)
Israel tunga thukhenna le hutkhiatna (24:1-27:13)
Vauhilhnate le Zion angei batna (28:1-35:10)
Kumpi Hezekiah in Assyria a nan’na (36:1-39:8)
Pasian hut nading ciamna (4:1-56:8)
A nunung kumpi-gam phuhna (56:9-66:24)