4
1 Tua ni ciangin numei sagih inpasal khat lenin,
"Ko le ko ka kivak ding uh a,
ko le ko puan ka kiguan ding uh hi;
nang min hong puasak in.
Ka minsiatna uh hong hepmangsak in!" ci ding uh hi.
TOPA’ Hiang
2 Tua ni ciangin TOPA Hiang melhoih in minthang dinga, leitung pana piang gahte, a suakta lai Israel-te kiphatsakpih le a minthanna uh ahi ding hi. 3 Jerusalem ah a teng laite khempeuh lakah Zion-a a kinusiate le Jerusalem a, a omlaite a siangtho-in kiciamteh ding hi. 4 Topa in Zion numeite kihhuaina silsak a, Jerusalem a sisan luanna teng thukhenna kha aa le mei kha bb in a siangthosak hi. 5 Tua ciangin TOPA in Zion Vum tunga kikhawm mihonpite tungah sunin meikhu meii-in kaisak dinga zanin meikhuam bawlsakin amaute khempeuh vangliatna-in a kithuahpih ding hi. 6 Tua in nisa pana kiliahna le niliap hi dinga huihpi guahpi pana belhna le bukna ahi ding hi.