Phatna-la a phatna khat. David phuah.
145
1 Keima Pasian Kumpipa, nang kong tawisang ding hi;a tawntungin na min ka phat den ding hi.
2 Nisimin nang hong phatin a tawntungin
na min ka tawisang den ding hi.
3 TOPA lian hi, a phattak pen ahi hi;
ama liatna kuamah in teh thei lo hi.
4 Khang khat in khang dang khat tungah na nasepte phat ding uh a;
amaute in nangma nasep thahatte a gen ding uh hi.
5 Amaute in na thupina a liatna le a thanna gen ding uh a,
na nasep da lamdangte ka lungngaingai ding hi.
6 Amaute in na nasepna a mulkimhuaite a vangliatna gen ding uh a,
ke’n bel na nasepna lianpite ka tangko ding hi.
7 Amaute in na hoihna kicingte ai ding uh a,
na thumaanna lungnuamtakin sa ding uh hi.
8 TOPA in mi hehpih siamin khuatuah nuam a,
heh hakin itna a hau hi.
9 Mi khempeuh tungah TOPA hoih a;
a bawlsa khempeuh a khuatuah hi.
10 TOPA aw, na bawlsa khempeuh in nang hong phat ding uh a;
na misiangte in hong tawisang ding uh hi.
11 Amaute in na kumpi-gam minthanna genkhia ding uh a,
na thahatna zong gen ding uh hi,
12 tua in na nasepna thahatte le na kumpi thupi na le
minthanna mi khempeuh in a theih nading ahi hi.
13 Na kumpi-gam pen tawntung kumpi-gam hi-a,
na kumpi ukna zong khang tawntungin a kip hi.
A thuciam khempeuh ah TOPA muanhuai-a,
a bawlsate khempeuh a it hi, eb
14 TOPA in a pukte khempeuh lenkipin
a kunsukte a phongto hi.
15 Mit khempeuh in nang hong mitsuan uh a,
a hunhunin amaute an na pia hi.
16 Na khutpek na zal-a a nungta peuhmah
amau lunggulhin na taiisak hi.
17 Ama lampi khempeuh ah TOPA thumaan a,
a bawlsate khempeuh a it hi.
18 TOPA in amah a sam khempeuh,
thutak-a amah a sam khempeuh a nai hi.
19 Amah in amah a kihtate deihna tangtungsak a;
amaute kikona za-in a honkhia hi.
20 TOPA in amah a it khempeuh cinga,
migilote ahileh a susia ding hi.
21 Ka kam in TOPA phatna a gen ding hi.
A nungta peuhmah in a tawntungin
a min siangtho phatden uh hen.