Job
Thupatna
Job laibu min pen hih laibu sunga kigenpipen ahi a hau mahmah a thumaan mipa min tama kiphuak ahi hi. A neihsa khempeuh a beimang khit ciang nangawnin a lauhuai mahmah natna thuak napi Job in Pasian a itna pulak hi.
Hih laibu in bang hangin gimna kithuaka a diakdiakin Pasian a it mihoihte in bang hangin gimna thuak uh hiam cih thu limdot diak hi. Job’ lawmte in ama mawhna hangin dan tuaka thuak hi ci-in ngawh uh hi. Job amah le amah kihu-in tua zah in mawhna lian a bawl lohna, Pasian a muanna genkhia hi.
Tua ciangin Pasian pau a, a vangliatna lak hi. A tawpna ah Job in Pasian lian lua mahmah a eite telzawh dingin lamdang lua mahmah hi, ci hi.
Athute tomlahna
A thu le a nungthu omzia (1:1-3:26)
A lawmte thum tawh Job’ thu kikupna (4:1-31:40)
Job’ thuakna le Pasian bangci kizop (4:1-14:22)
Migilote in thuak den hiam? (15:1-21:34)
Job in asimin mawhna a nei hiam? (22:1-31:40)
Elihu’ kampauna (32:1-37:24)
Pasian pauna (38:1-41:34)
A beina (42:1-17)