David phuah phatna-la khat.
141
1 TOPA aw, nang kong sam hi; kei kiangah hong pai meng in.Nang kong sap ciangin ka aw hong za in.
2 Na mai-ah ka thungetna gim namtui bangin hong kilui henla;
ka laptoh khutte nitak biakpiakna bang hen.
3 TOPA aw, ka kam a cing khat omsak inla;
ka muk kongkhak cing in.
4 Siatna hihte tawh gilo khawm dingin
siatna ah ka lungsim, kaisak zo kei inla;
amaute limsakte kei hong nesak kei in.
5 Thumaan mi aa in kei hong sat hen - tua in migitna ahi hi;
ama’n kei hong tai hen - tua in ka lutungah sathau ahi hi.
Ka lutang in tua nial lo ding hi.
Tua hi napi, ka thungetna in siatna bawlte langpan gige hi;
6 a gam-ukte uh kenbang pan kisawnkhiasuk dinga,
tua ciangin migilote in ka thugente a hoih lam thei ding uh hi.
7 Amaute in, "Mi khat in lo kho a, lei a kalhkhap bangin
ka guhte uh hankhuk bb gongah a kithehthang hi," ci ding uh hi.
8 Ahi hangin Thuneipen TOPA aw, mit khah loin nang kong en a;
nang sungah kong bu hi - kei hong sisak kei in.
9 Amaute in kei hong siahna thangte pan le
siatna bawlte siah thangte panin kei hong kem in.
10 Kei suakta a ka khen’ khit ciangin
amau lenthangte sung mah ah migilote puksak hi.