137
1 Zion ka phawk khak uh cianginBabylon gunte gei-ah tu-in ka kap uh hi.
2 Ahang in, tua lai-a muisum kungte tungah
ka harp-te uh ka khai uh hi;
3 sal-a hong kaite in la sa dingin hong sawl uh a,
ko hong bawlsiate in nuamna la sa dingin hong sawl teitei uh hi;
a maute in, "Zion la khat hong sak dih un!" hong ci uh hi.
4 Gamdang a om kimlai
TOPA late bangci sak theih ding ka hi uh hiam?
5 Jerusalem aw, nang kong mangngilh takleh
ka taklam khut in a siamna mangngilh ta hen.
6 Ka lungnoppenna
Jerusalem hisak loin
nang kong phawk kei tak leh
ka dang tungah ka leii belhcip ta hen.
7 TOPA aw, Jerusalem puk ni-
a Edom-te hih phawk in.
Amaute in, "Phelkhia un,
a bulkipte dong phelkhia un!" ci-in awng uh hi.
8 Suksiat dinga sehsa Babylon Tanu aw,
kote tunga nong hih bangin
nang tungah hong thuk dingpa -
9 na taneute manin
suangpite velna-a a neipa mi lungdam ahi hi.