136
1 TOPA hoih ahi manin ama tungah lungdam ko un.Ama itna kip tawntung hi.
2 Pasiante’ Pasian tungah lungdam ko un.
Ama itna kip tawntung hi.
3 Topate’ Topa tungah lungdam ko un:
Ama itna kip tawntung hi.
4 Nalamdang lianpite a bawl amah bek hi,
Ama itna kip tawntung hi.
5 ama theihtelna tawh vante a bawlpa,
Ama itna kip tawntung hi.
6 tuite tunga leitung a zalhpa,
Ama itna kip tawntung hi.
7 khuavak lianpite a bawlpa -
Ama itna kip tawntung hi.
8 sunhun nipi a uksakpa,
Ama itna kip tawntung hi.
9 zanhun khapi le aksite a uksakpa;
Ama itna kip tawntung hi.
10 Egypt ta masa a sat tukpa,
Ama itna kip tawntung hi.
11 amaute lak panin Israel a paikhiatpihpa,
Ama itna kip tawntung hi.
12 a thahat khut le a ban zanpa;
Ama itna kip tawntung hi.
13 San Tuipi aa khenkhamin a nensuah pa,
Ama itna kip tawntung hi.
14 a laizang ah Israel a kantansakpa,
Ama itna kip tawntung hi.
15 ahi hangin Pharaoh le a galkapte San Tuipi sungah a maimangsakpa;
Ama itna kip tawntung hi.
16 ama mite sehnel-gam kantanin a pipa,
Ama itna kip tawntung hi.
17 kumpi liante a sattukpa,
Ama itna kip tawntung hi.
18 a thahat kumpite a thatpa -
Ama itna kip tawntung hi.
19 Amor-te kumpipa Sihon a thatpa
Ama itna kip tawntung hi.
20 Boshan kumpipa Og a thatpa -
Ama itna kip tawntung hi.
21 amaute gam a goutanh dingun a piapa,
Ama itna kip tawntung hi.
22 ama nasem Israel tungah goutanh khat ding a piapa;
Ama itna kip tawntung hi.
23 eite niamna hong phawk gige Pa,
Ama itna kip tawntung hi.
24 I galte pan hong suaktasakpa,
Ama itna kip tawntung hi.
25 a nungta peuhmah an a piapa amah ahi hi.
Ama itna kip tawntung hi.
26 Vantunga om Pasian tungah lungdam ko un.
Ama itna kip tawntung hi.