114
1 Egypt panin Israel paikhia a,pau theihloh paudang mite kiang pan Jacob innkuan a paikhiat ciangin
2 Judah pen Pasian munsiangtho suak a,
Israel, ama kumpi-gam a suak hi.
3 Tuipi in enin kithehzak a,
Jordan a kileh kik hi;
4 Tuutalte bangin mualliante diang a,
tuunote bangin mualneute a zuan uh hi.
5 Tuipi aw, na kithehzakna,
Jordan aw, na kileh kikna,
6 no mualliante tuutalte banga na dianna uh,
no mualneute tuuno banga na zuanna uh bang hang ahi hiam?
7 Leitung aw, Topa mai-ah,
Jacob Pasian omna-ah ling in,
8 amah in suangpi, bualtui suaksak a,
suangsak zong tuinakte suaksakpa ahi hi.