113
1 TOPA phat un. aaTOPA ’ nasemte aw phat un,
TOPA min phat un.
2 Tu le a tawntungin
TOPA min kiphat ta hen.
3 Ni a suahna mun pan a tumna mun dongin
TOPA min phat ding ahi hi.
4 Minamte khempeuh tungah TOPA kitawisang a,
vante tungah a minthanna kitawisang hi.
5 A sangna kumpi tokhom a tu-Pa,
eite Pasian TOPA a bang kua om a,
6 vante le leitung a ensuk
kua om ahi hiam?
7 Amah in leivui panin mizawngte phonga,
vut phual panin a tasamte a laamto hi;
8 amah in amau kumpitapate tawh tusak a,
amau kumpitapate tawh a tukhawmsak hi.
9 Amah in a lungnuam ta nei nupi bangin
tasel numei a inn ah tengsak hi.
TOPA phat un.