95
1 Hong pai un, TOPA tungah nuamna la sa ni,I hotkhiatna Suangpi tungah nakpi in kiko ni.
2 Ama mai-ah lungdamkohna tawh pai-in,
tumtheih le la tawh amah ngaih takin phat ni.
3 Ahang in, TOPA in a lian Pasian hi a,
pasiante khempeuh tunga Kumpi lian ahi hi.
4 Ama khut sungah leitung thukpite om a,
mualdawnte ama aa ahi hi.
5 Tuipi ama bawlsa ahi manin ama aa hi-a,
ama khutin leikeute a bawl ahi hi.
6 Hong pai un, amah bia in kun ni,
eite hong Bawlpa TOPA mai-ah khukdin ni;
7 ahang in, amah eite Pasian hi-a,
ama gankhawk sunga mi
ama cinna nuai-a tuuhon i hi hi.
Tuni-in ama aw na zak uh leh
8 Meribah aa a na hih bang uh leh
sehnel-gam Massah bb a na om ni-ua na hih bangun na lungsim uh khauhsak kei un;
9 tua lai-ah na pate un ka nasepte mu khin napi
kei hong zia-et in hong sin uh hi.
10 Tua khangte tungah kum sawmli sung ka heh a,
"Amaute lungsim lampialsate hi uh a,
ka lampi a thei kei uh hi," ka ci hi.
11 Tua ciangin hehsa in ka kiciam a,
"Amaute ka khawlna ah a lut ngei kei ding uh hi," ka cikhia hi.