93
1 TOPA in uk a, thupina-in kituam hi;TOPA thupina-in kituam a,
hatna in a kituam hi.
Leitung buppi kiptakin kiphut kip a,
a kiling thei kei ding hi.
2 Tanglai pek pan na tokhom a kipsa hi a;
nang a tawntunga omdensa na hi hi.
3 TOPA aw, tuipite kikhaangto uh a,
tuipite in a aw uh sangsak uh hi;
tuipite in a tuihual kilokpite sangsak uh hi.
4 Tui lianpi hawk sanga a thahatzaw;
tuipihual kisatte sangin zong a thahatzaw -
a sangna a om TOPA a thahat hi.
5 TOPA aw, na ngeina kipte kho a;
bei ni a nei lo dingin
sianthona in na inn a zem hi.