Phatna-la khat. La khat. Sabbath ni ading.
92
1 TOPA phat dingin hoih a,Sang Penpa aw, na minphatna sa in
2 zingsangin nangma itna
zan ciangin na muanhuaina
3 zang sawm kivawh lyre le harp tumin,
kihualtaka tangko dingin a hoih hi.
4 Nangma nasepnate in kei hong kipaksak ahi manin
na khuta na sepsate lungnuamin la ka sak hi. TOPA aw.
5 TOPA aw, na nasepte lian na lawmlawm e!
na ngaihsutna thuk na mahmah e!
6 Ngaihsutna nei lote in thei lo uh a,
mihaite in a theitel kei uh hi;
7 migilopa ngaihsutna lopa bangin selkhia a,
gamtatsiate a khanpha uh zongin
amaute kisusia den ding hi.
8 Ahi hangin TOPA aw, nang hong kitawisang tawntung hi.
9 Ahang in, TOPA aw, na galte mangthangin
nangma galte mangthang taktak ding uh a;
a gamtatsiate khempeuh a kithehzak taktak ding uh hi.
10 Gam bawngtal khat aa bangin keima ki aa na tawisang a;
ka tungah sathau hoih pente hong kisung khin hi.
11 Kei hong galbawlte kizawhna ka mitin mu a;
a gilo ka galte taikekna ka bilin ka za khin hi.
12 A thumaante nisuh kung bangin khanpha ding uh a,
Lebanon a tamtak bangin khang ding uh hi;
13 TOPA inn sungah kisuanin,
eite Pasian huang sungah a khanpha ding uh hi.
14 A upat khit dongun gahlai ding uh a,
nosuakin hing kiuhkeuhsa in,
15 "TOPA thutang hi; amah ka Suangpi hi-a,
amah ah gitlohna a om kei hi," ci-in tangko ding uh hi.