Phatna 87

Korah’ Tapate phuah. Phatna-la khat. La khat.

1  Amah in mual siangtho tungah ama bulkip phut khin a;

2 TOPA in Jacob tenna khempeuh sangin

Zion kongpite a itzaw hi.

3  Pasian khuapi aw,

na minthannate kigengen a:

4  "Kei hong thusimte lakah Rahab c le

Babylon ka ciamteh dinga -

Philistia zong, tuateh Tyre, Cush d tawh ka ciamteh khawm dinga,

‘Hih e pa Zion ah suak hi,’ ka ci ding hi," a ci hi.

5  A taktakin Zion tawh kisai-in,

"Hihpa huapa tua khuapi sunga suak hi-a,

Sang Penpa mahmah in amah a kipsak ding hi," kici ding hi.

6 TOPA in mihingte ciamtehna laibu sungah:

"Hih pa Zion a suak ahi hi," ci-in a gelh ding hi.

7  Amaute in tumtheih tumin,

"Ka tuikhukte khempeuh nang sungah om hi," ci-in a sa ding uh hi.