David thungetna khat.
86
1 TOPA aw, zawngin ka tasam hi,hong za inla hong dawng in.
2 Nang tungah hong ki-ap ka hi manin ka nuntakna hong cing in.
Nang ka Pasian na hi hi;
nangmah hong muang na nasempa hong honkhia in.
3 Topa aw, sun nilohin nang hong sam
ka hi manin kei hong lainat in.
4 Topa aw, ka hinna nang tungah hong laamto ka hi manin
na nasempa lungnopna hong puak in.
5 Topa aw, nang hoihin mawhna na maisak a,
nang hong samte khempeuh tungah itna kicing na nei hi.
6 TOPA aw, kong thungetna hong za in;
nong lainat dinga kong kikona na ngai in.
7 Kei hong dawng ding na hi manin
ka lungkham ni-in nang kong sam ding hi.
8 Topa aw, pasiante lakah nang tawh a kibang khat beek om lo a;
na hihsate tehpih theih a om kei hi.
9 Topa aw, nangma bawlsa minamte khempeuh
hong pai-in na mai-ah hong bia ding uh hi;
na min a thangsak ding uh hi.
10 Ahang in nang lianin a piandang nate na bawl a;
nang bek Pasian na hi hi.
11 TOPA aw, na lampi hong hilh in;
na thutak ah ka kalsuan ding hi;
na min ka kihtak theih nadingin
aka lo lungsim hong guan in.
12 Topa keima Pasian aw, ka lungsim neihzahin nang kong phat dinga;
na min ka thangsak tawntung ding hi.
13 Ahang in kei tungah na itna lian mahmah a;
han thukte aa panin ka hinna nong hukhia khin hi.
14 Pasian aw, nangmah hong thusim lo -
mi kiphasakte in kei hong sim uh hi;
mi gamhtat hon khat in ka nuntakna zong uh hi.
15 Ahi hangin Topa aw, nang a khuatuah thei le a hehpih siam,
heh baih loin, itna le muanhuaina dim Pasian na hi hi.
16 Kei lam hong nga-in hong lainat inla;
na nasempa nangma thahatna hong guan-in
na nasemnu bb tapa honkhia in.
17 TOPA aw, nang in kei hong huhin hong hehnem khin na hi manin
ka galte in mu a, a maizum nadingun
na hoihna lim khat kei hong pia in.