La khat. Korah’Tapate phatna-la khat. Tumtheih makaipa ading. Mahalath leannoth fa zui-a sak ding. Ezrah-te Heman phuah maskil gb khat.
88
1 Keimah hong honkhia Pasian, TOPA aw,sun le zanin na mai-ah kong kiko hi.
2 Kong thungetna na mai-ah hong tung hen;
ka kikona na bil hong ngat in.
3 Ahang in, keima hinna lungkhamna tawh kidim a,
ka nuntakna in hankhuk hc a neh hi.
4 Gum sunga a paisukte lakah kei hong kisimkhawm ta a;
thabei mi tawh ka kibang hi.
5 Nangma cinna pana kikhenkhia,
na phawkkhak nawn loh,
misite tawh a kituam koih,
a kithatsa hankhuka lumte tawh ka kibang hi.
6 Thuka a mial penna mun
gum tawngnung pen ah kei nong koih hi.
7 Na thangpaihna gik in kei hong nen a;
na tuihualte khempeuh tawh kei nong tuamcip hi.
8 Ka kinaipih pen ka lawmte na la khin a,
amaute’ muh thadahhuai ka suakta hi.
Kei hong kikhumcip a ka suakta thei kei hi;
9 dahna hangin ka mit a maang hi.
TOPA aw, nisimin nang kong sam a;
ka khutte nanglam ah ka zan hi.
10 Misite tungah na nalamdangte lak na hi hiam?
A sisate hong thoto in nang hong phat uh ahi hiam?
11 Han sungah na itna,
Siatna ad sungah na muanhuaina kipulak ahi hiam?
12 Khuamialna mun ah na bawl alamdangte kithei-in,
mangngilhna gamah na sep thumaanna kithei ahi hiam?
13 Ahi hangin TOPA aw, huhna ngenin kong kiko a;
zingsangin kong thungetna na mai-ah hong tung hi.
14 TOPA aw, bang hangin kei hong nialin,
na maitang hong selsan na hi hiam?
15 Ka neu tunga kipan thuaksia in ka si dekdek hi;
nong lausaknate thuakin ka cimawh ta hi.
16 Nangma thangpaihna in ka tung hong nawk a;
na lausaknate in kei hong susia hi.
17 Tuikhang bangin tuate in sun nilohin kei hong umcih a;
kei hong tuumcip kiuhkeuh uh hi.
18 Kei kiang panin ka kikholhpihte le ka itte na lakhia a;
ka kinaipihpen ka lawmpa khuamial ahi hi.