Tumtheih makaipa ading. "Susia kei in" cih aw a sak ding. David phuah. Miktam da khat.
58
1 No gam-ukte, tangtakin na pau uh hiam?Mite lakah tangtakin thu na khen uh hiam?
2 Hi kei, na lungsimun thutang lo na sawm uh a,
na khutte un leitung ah ngongtatna a tehkhia hi.
3 Migilote a suahtung nangawnun lam khialsa hi uh a,
naubu sung panin uklah hi-in zuauthu a gen uh hi.
4 Amaute’ gu pen gul’ gu tawh kibanga,
a zolpa siam mahmah taleh
5 a khimna aw a thusim loin
a za lo kineih mualtan’ gu tawh kibang hi.
6 Pasian aw, amaute kama a hate uh suktansak inla;
TOPA aw, humpinelkai uihate totkhiatsak ve!
7 Tui luangmang bangin amaute mangthang uh hen;
a thalpeu uh a kek uh ciangin a thaltangte uh kimawlsak hen.
8 A paikawmun a tuimang dokdawn bang leh
naungek lamhzui bangin ni mu kei uh hen.
9 Na beelte in lingkung kuangte a satna a phawk ma-in
migilote a hing a keu-in a kiphiatmang eb ding hi.
10 Amaute’ phu a kilak ciang, migilote sisan sungah a khe uh a sil uh ciangin
a thumaante kipak ding uh hi.
11 Tua ciangin mite in,
"A thumaante pahtakman kipia lai takpi;
leitung thu a khen Pasian khat om takpi," ci ding uh hi.