Tumtheih makaipa ading. "Tawsaw tunga Vakhu ham galzak" aw in. David phuah. Miktam ba khat. Philistia-te in Gath ah amah a mat hun lai.
56
1 Pasian aw, mite in lungsosa in kei hong delh uh ahi manin kei hong lainat in;sun nilohin hong nehcipin hong sim uh hi.
2 Kei hong gensiate in sun nilohin hong nung zuihzuih uh a;
mi tampi in kiphasakin hong simsim uh hi.
3 Ka lau ciangin
nang kong muang ding hi.
4 A thu ka phat Pasian, ka muan Pasian ahi hi;
ka lau kei ding hi.
Mihing lel in kei bang hong cih zo ding hiam?
5 Sun nilohin ka thugente lehlak uh a;
amaute in hong nasak dingin sawmsim tawntung uh hi.
6 Amaute in hong pangin hong buksim uh a,
ka kalsuanna encikin
ka nuntakna lak ding lawp uh hi.
7 A thu om loin suaktasak kei in;
Pasian aw, na heh sungin minamte niamkhiat in.
8 Ka tamlawhna ciamteh in;
nangma laizial cb tungah ka khituite gual in -
na ciamtehnasa ah a om hiam?
9 Tua ciang hong huh dinga kong sap ciangin
ka galte a lehtai ding uh hi.
Pasian kei aa ahilam hih tawh ka thei ding hi.
10 A thu ka phat Pasian,
a thu ka phat TOPA sung -
11 keima muan Pasian sungah; ka lau kei ding hi.
Mi in kei bang hong cih thei ding ahi hiam?
12 Pasian aw, nang tunga kiciamnate nuai ah ka om hi;
keima lungdamkoh biaknate nang kong pia ding hi.
13 Ahang in, sihna panin kei ac nong hukhia a,
Pasian mai nuntakna bd khuavak sungah ka pai theih nadingin
ka khete na kipaltuksak kei hi.