Tumtheih makaipa ading. Khausai tumtheih a sak. David phuah maskil ca khat. Saul kiangah Zipt-te pai uh a, "Eite lakah David bu hilo hiam?" a cih lai un.
54
1 Pasian aw, na minin kei hong hon in;na thahatna tawh dik hong tangsak in.
2 Ka thungetna hong za in Pasian aw;
ka kampau malte na ngai in.
3 Mikhualte in kei hong sim uh hi;
a gamhtat mite -
Pasian a thusim lote in ka nuntakna hong zong uh hi.
4 Kei hong huh Pasian hi taktaka
kei hong kipletpa Topa ahi hi.
5 Kei hong gensiate siatna in vialcip henla
na muanhuaina in amaute susia hen.
6 Utthu-a biakna nang kong pia dinga,
na min hoih ahi manin
ka phat ding hi, TOPA aw.
7 Ahang in amah in ka lungkhamna khempeuh pan hong hu-a,
ka galte tunga gualzawhna ka mitin hong ensak hi.