Tumtheih makaipa ading. Mahalath aa zui-in. David phuah maskil bb khat.
53
1  Mihai in a lungsim ah,
"Pasian om lo hi," ci hi.
Amaute a kisia uh hi-a a lampite uh siahuai-in,
a hoih a gamta khat beek a om kei uh hi.
2  Pasian in van panin
mihing tapate ensuk a,
a theitel le Pasian a zong khatpeuh a om hiam, cih a en hi.
3  A kua-mapeuh lampial khin a,
amaute a kisia khawm khin uh hi;
a hoiha gamta khat beek om lo-a;
khat nangawn a om kei hi.
4  Mite in anlum a nek bangin ka mite valhin,
Pasian a sam lo siatna bawl mite in
sin ngei lo ding uh hiam?
5  Kihtak ding bangmah om lopi amaute a lau niloh uh hi.
Nang hong sim mite guh Pasian in paithang a;
Pasian in amaute hua ahi manin
amaute na maizumsak hi.
6  Ehei, Israel hotkhiatna Zion pana hong paikhia lah ahi a!
Pasian in ama mite nopsakna a piak kik ciangin
Jacob nuam henla, Israel kipak hen!