Tumtheih makaipa ading. David phatna-la khat. David in Bathsheba ang a kawm khit ciangin ama kiangah kamsangpa Nathan a va pai lai a.
51
1 Pasian aw, a vul thei lo na itna tawh kizui-in kei hong lainat in,na khuatuahna lian tawh kizui-in
ka khialhnate hong paihkhiatsak in.
2 Ka khialhna khempeuh silkhia inla,
ka mawhna hong sawpsiang in.
3 Ahang in, ka tatkhialhnate ka thei-a,
ka mai ah ka mawhna a om den hi.
4 Thu na gen ciangin a thumaan na hilam a kitheih nading,
thu na khen cianga dik hong tangsak dingin;
nang tung, nang tektek tungah ka mawh a,
na muhna ah siatna ka hih khin hi.
5 Mawh neisa-a suak ka hi takpi a,
ka nu in mawh neisa-a hong paii a hi hi.
6 Nang in sunglam a thutak ca na deih takpi a,
a sungtawngpen mun ah pilna nong hilh db hi.
7 Puknah in hong siangsak lecin ka siang dinga;
kei hong sawp lecin vuk sangin ka pakzaw ding hi.
8 Lungnopna le kipahna hong zasak in;
na sukzansa guhte nuamsak in.
9 Ka mawhnate buksan inla
ka khialhna khempeuh phiatkhia in.
10 Pasian aw, ka sungah lungsim siang hong piangsak inla
akip ka lungsim thak suaksak in.
11 Na omna panin kei hong paikhia kei inla
kei tung pan na Khasiangtho hong lakkhia kei in.
12 Na hotkhiatna lungnopna hong pia kik inla
a thumang nuam lungsim hong guanin hong dingkipsak in.
13 Tua ciangin a khialte tungah na lampite ka hilh dinga,
mawhneite nang lamah hong kihei kik ding uh hi.
14 Kei hong honkhiapa Pasian, sisan suah mawhna panin
kei hong honkhia in Pasian aw,
tuateh ka leii in nangma thumaanna la a sa ding hi.
15 Topa aw, ka muk kak in, tua hileh ka kam in
nangmah phatna a pulak ding hi.
16 Biakpiakna hangin na lungkim kei hi, lungkim lecin kong puak ding hi;
meihal biaknate zong nuam na sa tuan kei hi.
17 Pasian biaknate ec
ka biakpiakna in ahileh a tamkham lungsim ahi hi;
Pasian aw, a kitamkham lungtang kisikna na nolh kei ding hi.
18 Nangma hoihsakzia-in Zion daupaisak inla;
Jerusalem kulhte lam in.
19 Tua hileh thumaanin biakna kipia dinga,
meihal biakna buppite in nang hong lungkimsak in;
tua ciangin na biakna-tau tungah bawngtalte hong kipia ding hi.