Asaph phuah phatna-la khat.
50
1 Thahat Pa, Pasian, TOPA pau-a,ni suahkhiatna panin ni tumna mun dong
leitung kaikhawm hi.
2 Mel hoihna kim tawh Zion panin
Pasian tangkhia hi.
3 Eite Pasian hong pai-in a dai kei ding hi;
a mai ah mei khat in valhtum a,
a kimkot ah pingpei a kinuai hi.
4 A mite tungah thu a khen theih nadingin
tunga vante le leitung sam a:
5 "Biakna pia a kei tawh thukhun a bawl
ka sianthosaksate aw, ka kiangah hong kikhawm un," a ci hi.
6 Tua hi-a Pasian mahmah thukhenpa ahi manin
vante in ama thumaanna a tangko uh hi.
7 "Ka mite aw, za un, Israel aw,
thu ka gen dinga note langah teci ka pang ding hi:
Keimah Pasian, note Pasian ka hi hi.
8 Ka mai-a na hih den uh biakpiaknate,
meihal biaknate hangin hong taihilh ka hi kei hi.
9 Na bawngbuk a bawngtal ahikeh
na gan huang a keelte ka kisam kei hi;
10 ahang in, tulak a ganhing peuhmah,
mual tulkhat tunga ganhon omte kei aa ahi hi.
11 Mualliante kawma om vasa khempeuh ka thei a,
gam sunga om ganhingte khempeuh kei aa ahi hi.
12 Leitung buppi le a sunga om khempeuh kei aa ahi manin
ka gil a kial zongin nang kong ko kei ding hi.
13 Keimah in bawngtal sa ne-in
keelte sisan dawn ka hi hiam?
14 Pasian tungah lungdam koh biakpiakna pia un,
Sangpen Pa tungah na thuciamte uh tangtun unla,
15 na lungkham ni-un kei hong sam un;
keimah in note kong hukhia dinga, note in kei nong pahtawi ding uh hi," a ci hi.
16 Ahi hangin migilote tungah Pasian in:
"Ka thukhamte gen nading le ka thukhunte
na muka na gen nading bang thuneihna nei na hi uh hiam?
17 Ka lamlahna na mudah a,
ka kammalte na nunglam ah na pai hi.
18 Guta khat na muh ciangin amah na pawlpih a;
angkawmte lakah na kihel hi.
19 Na kam, siatgenna-in na zanga
na leii, zuaugenna-in na zang hi.
20 Na sanggampa na langgen den a,
na nu’ tapa na gensia hi.
21 Na sepsa hihte hi napi in ka dai dide hi;
nang tawh a kibang aa ding nong sa hi.
Ahi hangin nang hong taihilhin
na maitang mahmah ah kong mawhsak ding hi.
22 "Pasian a mangngilh note aw, hih thu na ngaihsut kei uh leh
kuama hut lohin kong balnen ding hi:
23 Lungdamkohna biakna a piapa kei hong pahtawi hi-a,
Pasian’ hotkhiatna amah bb ka lah theih nadingin
lamsial ahi hi," a ci hi.