Tumtheih makaipa ading. Korah’ Tapate phuah. Phatna-la khat.
49
1 No mite khempeuh aw, hih za un;hih leitung-a tengte khempeuh
2 aniam asang, azawng ahaute in
a kibangin ngai un:
3 Ka kam in pilna thute a gen ding hi;
ka lungsim pana ka ngaihsut khiat in hong theitelsak ding hi.
4 Paunak khat lamah ka bil ka ngat ding hi;
harp in ka thu haksa ka gencian ding hi:
5 Ni siate hong tun ciang bang hang kihta in,
migilo mi khemte in hong kimkot ciang -
6 a neihsa uh muangin
a hauhna uh kisaktheihpihte in hong kimkot uh ciangin
bang hang kihta ding ka hi hiam?
7 Kuamah in midang khat nuntakna tan thei lo a,
Pasian tungah ama tatna man a piaksak thei kei hi -
8 nuntakna tatna man tam lua a,
9 nungta tawntunga
a muat loh nadingin -
manpiak kicing cih a om ngei kei hi.
10 Ahang in, mipilte sih mi khempeuh in mu thei-in;
mihaite le ngaihsut beite a kibangin kisia a,
a hauhna uh midang a nusiat uh hi.
11 Leitangte amau min a puaksak khit aa uh hangin
amau inn bb a han uh hiden dinga,
khang tawntungin amau tenna a suak ding hi.
12 Ahi zongin mihing hau taleh a kip kei hi;
amah a kisia ganhingte tawh kibang cc hi.
13 Amau le amau kimuangte le amau gente
hoih a sakpih amau nungzuite mong a hici ahi hi.
14 Tuu bangin amaute tun nading hankhuk dd hi a,
sihna kivakna amaute ahi ding hi.
Zingsang in mi thutangte in amaute uk ding uh a,
a pumpite uh hankhuk ee ah muatin
kumpi inndeite pan gamlapi ah a om ding uh hi.
15 Ahi hangin Pasian in ka nuntakna ff hankhuk pan tankhia dinga;
amahmah in kei hong la taktak ding hi.
16 Mi khat a hauh ciang,
a inn thupina a khan ciangin linglawng lua kei in;
17 ahang in, a sih ciangin bangmah pua thei loin
ama thupina a kahtohpih kei ding hi.
18 A nuntak lai-in thupha ngahin a kisim zongin -
a daupai ciangin miten a phat uh zongin -
19 a pate khang mah zom dinga,
nuntakna khuavak a mu ngei nawn kei ding hi.
20 Theihtelna nei lopi-a hau mi,
a mangthang gamsate bang ahi hi.