Tumtheih makaipa ading. Korah’ Tapate phuah. Alamoth ca tawh kizui. La khat;
46
1 Pasian in eite belh le i thahatna hi-a,lungkhamhunin hong huhpah lianlian hi.
2 Tua ahi manin leitung kikhina
tuipi laizang ah mual lianpite pukin
3 tuite hawkin phuan a,
amaute kilawhna hangin mual liante a kiling zongin i lau kei ding hi.
4 Tua lai ah gun khat om a, a luite in Pasian khuapi,
Sangpen Pa tenna mun siangtho a kipaksak hi.
5 Ama sungah Pasian om a, a puk kei ding hi;
Pasian in phalvak tungin amah a huh ding hi.
6 Minamte so in
kumpi gamte puk hi;
ama’n a aw sangsak a, leitung a tuimang hi.
7 Thahatpen TOPA in eite hong ompih a;
Jacob Pasian eite kulh muanhuai ahi hi.
8 Hong pai unla TOPA nasepte,
leitung ah siatna a tunsakte hong en un.
9 Amah in leitung mongte dongin gal beisak a,
thalpeu kuaitanin, teipi tumtan a,
lumte ab mei-in a hal hi.
10 "Dai hithiat unla, keimah Pasian ka hina thei un;
minamte lakah kei hong kitawisang dinga,
leitungah kei hong kitawisang ding hi."
11 Thahatpen TOPA in eite hong ompih a;
Jacob Pasian eite kulh muanhuai ahi hi.