Phatna 47

Tumtheih makaipa ading. Korah’ Tapate phuah. Phatna-la khat.

1  No minamte khempeuh aw, na khut uh beng un;

nuamna aw tawh Pasian tungah kiko un.

2  Leitung khempeuh a uk alian Kumpipa,

Sang Pen TOPA, kihtakhuai na zen e!

3  Amah in eite nuai-ah minamte thazawmsakin

i khenuai-ah a koih hi.

4  Amah in a itpa Jacob kisaktheihpih gouluah,

eite adingin a teel hi.

5  Nuam a kikona lakah Pasian kahto a,

pengkul awgingte lakah TOPA a kahto khin hi.

6  Pasian phatna la sak un, phatna la sak un;

eite Kumpipa phatna late sak un; phatna late sak un.

7  Leitung khempeuh Kumpipa, Pasian ahi manin

amah phatna-in phatna-la b khat sak un.

8  Pasian in minamte uk hi;

ama kumpi tokhom siangtho tungah Pasian tu hi.

9  Leitung kumpite c Pasian neihsa ahi manin

Abraham’ Pasian’ mite bangin

minamte’ uliante kikhawm uh a;

amah lianpitakin kitawisang hi.