David phatna-la khat.
29
1  Mi thahatte aw, TOPA aa ci un,
minthanna le thahatna TOPA aa ci un.
2  Ama min tawh kituak minthanna pen TOPA aa ci un;
ama aa sianthona’ thupina ah TOPA bia un.
3 TOPA awging tuite tungah om a,
Pasian minthanna vanpi in ginga,
tui thahatte tungah TOPA vanpi ging hi.
4 TOPA awging vanglian a,
TOPA awging thupi hi.
5 TOPA awging in tamtak singte ekkham a;
TOPA in Lebanon tamtakte a tennen hi.
6  Amah in bawngno bangin Lebanon zuansak a,
gam bawngtalno bangin Sirion bb a diangsak hi.
7 TOPA awging
khuaphia-in tang hi.
8 TOPA awnging in sehnel-gam lok-a;
TOPA in Kadesh Sehnel-gam a lok hi.
9 TOPA in tawsaw singte cc huihek a,
tulakte hawkkhia-in a kolhsak hi.
Ama biakinnpi sungah mi khempeuh in, "Minthanna!" ci-in kiko uh hi.
10  Tuikhang tungah Kumpi tokhomin TOPA tu dd a;
Kumpi tokhom ah TOPA kumpi-in a tu tawntung hi.
11 TOPA in a mite thahatna guana;
TOPA in a mite lemna tawh thupha a pia hi.