Phatna-la khat. La khat. Biakinnpi ea ap nading David phuah.
30
1 TOPA aw, nang kong tawisang ding hi,a thuknate panin kei nong laamto a,
ka galte kei tungah kisial sak lo na hi manin
2 keima Pasian TOPA aw, hong huh dingin kong sama,
kei nong damsak hi.
3 TOPA aw, hankhuk fb panin kei nong lakhia-to a;
gum sunga kia ding kimlai kei nong hawilai hi.
4 No ama misiangte aw, TOPA la sak un;
ama min siangtho phat un.
5 Ahang in, ama hehna tomno sung bek hi-a,
ahi hangin ama angvanna nuntak sungteng ahi hi;
kahna zan khat sung hi kha dinga
zingsang in nuamna hong tung hi.
6 Ngaihmuang ka kisak ciangin,
"Ka kiling ngei kei ding hi," ka ci hi.
7 TOPA aw, kei nong angvan ciangin
ka mualpi gc kiptak na dingsak a;
na maitang na sel ciang ahileh
ka lungmang hi.
8 TOPA aw, nang kong sam hi;
Topa tungah lainatna ngenin kong kiko a:
9 "Keima siatna hd le
gum sunga ka paisukna ah bang phatuamna om a hi hiam?
Leivui in nang hong phat ding ahi hiam?
Na muanhuaina amah in tangko ding ahi hiam?
10 TOPA aw, hong za inla kei hong lainat in;
TOPA aw, kei hong huh in," kong ci hi.
11 Ka thumna, lamna na suaksak a;
ka puanhampi puan suahkhia-in lungnopna nong silhsak hi,
12 tua hangin ka lungsimin la kongsak a, ka dai om kei hi.
Keima Pasian TOPA aw, lungdam kong ko tawntung ding hi.