Phatna 13

Tumtheih makaipa ading. David phatna-la khat.

1 TOPA aw, bangtanvei sawt lai ding hiam? Kei hong mangngilh suak ding na hi hiam?

Na maitang bangtanvei hong selsan lai ding na hi hiam?

2  Ka ngaihsutnate tawh bangtanvei kibuan kul lai-in,

nisimin ka lungsim dah lai ding ahi hiam?

Ka galpa in bangtanvei kei hong zo lai ding ahi hiam?

3  Keima Pasian TOPA aw, hong en inla hong dawng in.

Ka mit nong vaksak kei leh sihna ah ka ihmu ding hi;

4  ka galpa in, "Amah zo ta’ng ei!" ci dinga,

ka puk ciangin ka galte nuam ding uh hi.

5  Ahi hangin na itna kip ka muanga;

na hotkhiatna ah ka lungsim kipak hi.

6  Kei tungah TOPA hong hoih khin ahi manin

amah la ka sak ding hi.