Tumtheih makaipa ading. Sheminith aa tawh kizui in. David phatna-la khat.
12
1 TOPA aw, pasian-mite om nawn lo uh a;mihingte lakah a muanhuaite maimang ta uh ahi manin hong huh in.
2 Mi citeng in a vengpa kiangah zuauthu gena;
maitang phatna mukin zuau phuaka gen uh hi.
3 TOPA in maitangphatna muk khempeuh le
a kisathei leiite atkhia hen;
4 tuate in, "I leii-in i gualzo ding hi;
i mukte eima neihsa ahi hi bb - i topa kua ahi hiam?" ci uh hi.
5 "A zawngkhalte kinetniamna le
a tasamte tauna hangin
tu-in ka tho ta ding hi;
"A selphote panin amaute ka dal ding hi," TOPA in a ci hi.
6 TOPA kammalte paubang lo a,
pummei tungman sungah
sagihvei a kisiangsak ngun tawh kibang hi.
7 TOPA aw, kote bittakin nong kem dinga,
tua bang mite pan a tawntungin nong dal ding hi.
8 Mite lakah thu gina lo a kipahtawi ciangin
migi lote a vak hiathiat kawikawi uh hi.