Tumtheih makaipa ading. David Phuah.
14
1 Mihaipa ca in a lungsimin,"Pasian om kei," ci hi.
Amaute kisiagawp uh a, a maute gamtatna siahuai hi;
a hoih sem khat beek om lo uh hi.
2 TOPA in van panin
mihing tate
a theitel khatpeuh,
Pasian a zong khatpeuh a om hiam, cih a ensuk hi.
3 A vekun lampial khin uh a,
amaute a kisiakhawm khin uh hi;
na hoih a sem khatbeek om lo a,
khat nangawn a om kei hi.
4 Mi in anlum a nek bangin ka mite a nawmvalhte,
TOPA a ko lote, gitlohna a semte in
sin ngei lo uh ahi hiam?
5 Tua lai-ah thumaan mite
Pasian in ompih ahi manin amaute launa in a tuamcip hi.
6 No gitlohna a semte in mizawngte geelna na lawhsapsak uh hangin,
amaute belh TOPA ahi hi.
7 Zion panin Israel hotkhiatna hong pusuak leh maw!
TOPA in a mite a ngeina a batsak ciangin,
Jacob nuam henla Israel kipak hen!