Tumtheih makaipa ading. Gittith aa tawh kizui-in. David phatna-la khat.
8
1 Kote Topa, TOPA aw,leitung khempeuh ah na min lian na lawmlawm e!
Vante tungah
na minthanna na koih khin hi.
2 Nangma galte hangin,
galpa le phulapa daihsak nadingin
naupangte le naungeekte muk panin
phatna bb na kipsak hi.
3 Na khuta na bawlsa vante,
khapi le aksite,
a mun ciata na koih
ka ngaihsut ciangin
4 nang ngaihsut tham dingin mihing bang hi-a,
nang thudon dingin mihing tapa bang ahi hiam?
5 Vantung mite cc sangin a niamzaw zekin na bawla
minthanna le pahtawina na khusak hi.
6 Na khuta na bawlte amah na uksak a;
ama khe nuai ah na khempeuh:
7 tuuhonte le bawnghonte le
gam sunga ganhingte,
8 huih laka vasate le tuipi ngasate,
tuipi lampi-in nei a,
a peekte khempeuh a vekin na koih hi.
9 Kote Topa, TOPA aw,
leitung khempeuh ah na min lian na lawmlawm e!