Benjamin-te Cush tawh kisai-a David in TOPA a sak shiggaion ca khat.
7
1 Keima Pasian TOPA aw, nang kong beel hi;kei hong delhte khempeuh panin hong honin hong hukhia in,
2 tua hi kei leh humpinelkai bangin kei hong balkhamin,
kuama hut lohin hong balnen ding uh hi.
3 Keima Pasian, TOPA aw, hih bangin ka hih leh,
ka khut in khialhna a bawla -
4 kei tawh a kilem mipa tungah gitlohna a bawl ka hih a,
a thu om lopi-in ka galpa na a sut ka hi leh
5 gal in hong delhin hong pha henla;
ka nuntakna lei lakah tuancilin,
leivui lakah kei hong lumsak hen.
6 TOPA aw, hehsa-in tho in;
ka galte lungsona langah hong dingin.
Ka Pasian aw, khanglo inla thutangin thukip bawl in.
7 Mipi honpi na kimkot ah kikhawmsak in.
A sangna panin amaute uk in;
8 mite tungah TOPA thukhensak in.
TOPA aw, ka thumaanna, ka lungsim cihtakna tawh kizui-in
thu hong khen in, Sang Penpa aw.
9 A thumaan Pasian,
lungsim le ngaihsutnate a zongpa aw,
migilote ngongtatnate beisakin
a thumaante bitsak in.
10 A Sang Pen Pasian keima lum db hi-a,
lungsima dingtangte honpa ahi hi.
11 Thumaan a thukhen Pasian hi-a,
nisimin a thangpaihna a langsakpa Pasian ahi hi.
12 Amah a lunghei kei leh
ama ec namsau tathiam dinga;
a thalpeu kuai-in a thalkhau a kek ding hi.
13 Amah in sihtheihna galhiamte bawlsa-in nei a,
a mei thaltangte a baihsa-in koih hi.
14 Gitlohna tawh gaii a,
lunghimawhna a paii mipa in a hi lopi a hingkhia hi.
15 Lei luakkhia a kawhawm a to mipa,
ama bawlsa gum sungah a kia hi.
16 Ama piansak lunghimawhna amahmah tungah leh tuk hi;
ama ngongtatna ama lutung ah tu hi.
17 TOPA a thumaanna hangin ama tungah lungdamna ka ko dinga,
Sang Pen TOPA minphatna ka sa ding hi.