Tumtheih makaipa ading. Khauzang kivawh tumtheih tawh sheminith aa banga kitum. David phatna-la khat.
6
1 TOPA aw, hehsa in hong taihilh kei inla,thangpaisa in zong hong sek kei in.
2 Ka tha zawm ahi manin TOPA, kei hong lainat inla;
ka guhte na ahi manin TOPA aw, hong damsak in.
3 Ka hinna gim mahmah hi.
Bangtan sawt lai ding hiam, TOPA aw, bangtan sawt lai ding hiam?
4 TOPA aw, hong kihei inla hong hukhia in,
na itna kip hangin kei hong honkhia in.
5 A sisa-a nang hong phawk khat beek a om kei hi.
Kua in a hankhuk bb panin nang hong phat ahi hiam?
6 Ka tautauna-in ka pat ngi-ngei hi;
zan thapai-in ka kahna in ka lupna kidiah a,
khitui-in ka delhphah a tuum hi.
7 Dahna hangin ka mit ngui a;
ka galte khempeuh hangin ka mit a mial hi.
8 No migilote khempeuh aw,
TOPA in ka kahkahna hong za ta ahi manin,
kei kiang pan kihemkhia un.
9 TOPA in hong lainat ding ka ngetna hong za zo hi;
TOPA in ka thungetna hong sang hi.
10 Ka galte khempeuh maizumin, lungmang ding uh a;
amaute thakhatin mai mawlsa-in kilehhei ding uh hi.