Joshua
Thupatna
Hih laibu pen a sunga kigenpipen mipa min pua-a kilo ahi hi.Moses sih madiakin Pasian in Joshua telkhia in seh hi.
Joshua laibu pen Joshua le Israel in Pasian huhna-in Khapsa Gam ahi Canaan a zawhna uh thu kigenna ahi hi. Mite in a piandangpi-in Jordan Gun kantan in Jericho khuapi la zo uh hi. Tua ciangin Pasian huhna mah tawh manlangtakin Canaan mun thupi teng khempeuh luah ziau leuleu uh hi.
Joshua in a sih ma-in Pasian in amaute tawh thukhunga a thuciam amaute phawksakkik hi. Amah in mite tungah Pasian it-a a thu a man nadingun limtakin hilh hi. Mipi zakin Pasian’ na a sepnopna pulak khia a "... tu ni-in nomau ciat in ana na sep ding uh teel un. Ahi hangin kei le ka innkuanpihte in ahileh TOPA’ na ka sem ding uh hi" ci hi. (24:15)
Athute tomlahna
Canaan luah dinga kithawina (1:1-5:15)
Canaan zawhna (6:1-12:24)
A beh zui-a gam hawmna (13:1-21:45)
Joshua mangpha khakna le a sihna (22:1-24:33)