Thupiakkikna
Thupatna
Thupiakkikna pen "thukham nihna" cihna ahi hi. Kum sawmli khit ciangin Israel-te Khapsa Gam Canaan ah lut kuanta uh hi. Ahi zongin a lut ma-un Moses in a tangthu uh leh amau ading Pasian nasepte, Pasian teltuam mite in thukham a zuihsuak nading uh hihte khempeuh amaute phawkkiksak nuam hi.
Mite tunga a gen masakna ah a khualzin sung tawntung uh amaute tunga, Pasian hoihna le Canaan gam a piakna phawkkiksak hi. Thupiak Sawmte-a kipan Pasian thukhamte a tomin hilh kik hi. Pasian thuphate hangin a nopsak den nadingun "Note Pasian TOPA, na lungsim khempeuh, na hina khempeuh, na hatna khempeuh un it un" ci-in mite tungah Moses in gen hi. Moses in Pasian tawh kizop tawntung nading mite in a tate uh tungah Pasian it a ama thupiakte a man tawntung nading uh lim hilh phadiak hi.
Thupiakkikna pen Pasian in amaute tawh a thukhun Israel-te a phawksakna (29), makai thak dingin Joshua sehna(31) le Moses sihna (34) in bei hi.Ama sihna khenpi lo buang Thupiakkikna bu Moses gelh hi ding hi, ci-in mi a tamzaw in sang uh hi.
Athute tomlhana
Moses gen masak: Israel thangthu (1:1-4:43)
Moses gen nihna : thukham etkikna (4:44-11:32)
Nisim nuntak nading ngeinate (12:1-26:19)
Thuman’ na le thuman lohna thaman(27:1-28:68)
Thukhun thaksuaksakna(29:1-30:20)
Moses in Israel thupha a piakna le ama sihna (31:1-34:12)