Thukhente
Thupatna
Hih laibu in Joshua sih le Samuel in Pasian’ na a sep hun kikal Israel-te tangthu gen hi. Tua hun kikal sung pen thukhente kici mi thahatte in Israel a uk hunin kiciamteh hi.
Thukhente laibu sunga thupiangte in anuai-a pianziate zuiden hi.
1. Israel-te in Pasian it-a a na a sep laiteng uh galmuangtakin teng uh hi.
2. Israel-te in Pasian mangngilh in milimte bia uh hi.
3. Pasian in ama mite dan tuaksaka a gamveng ua minamte simsakin uksak hi.
4. Pasian lamah Israel-te kihei-in mawh maina ngen uh hi.
5. Pasian in a mite’ mawhna maisak a thukhente sawlin a galte uh zosak hi. Hih Israel tangthu hun sungah hih bangin tam veipi piang hi.
Amaute makai thukhen vekpi mi sawm le nga kigual hi. Thukhen hoih pen a kiciamteh Deborah, Gideon le Samson ahi hi.
Athute tomlahna
Thukhente hun sung thu omzia (1:1-3:6)
Minamte zawhna le a uk thukhente (3:7-16:31)
Milim biakna le tualgal (17:1-21:25)