Micah’ Milimte
17
1 Tu-in Ephraim mualtung gam panin Micah kici mi khat in a nu kiangah, 2 "Ngun shekel c tul le zakhat hong kilaksak lai-in na hamsiat lam ka za a - tua ngun tu-in ka la-a kei tungah a om hi," a ci hi.Tua ciangin a nu in, "Ka tapa aw, TOPA in thupha hong pia hen!" a ci hi.
3 A nu tungah ngun shekel tul le zakhat a piak kik ciangin a nu in, "Ka tapa adingin a kiseek milim khat le a kisung milim khat zahtakna tawh TOPA tungah ka apsa ahi hi. Nang kong pia kik ding hi," a ci hi.
4 Tua ciangin tua ngun a nu pia kik a, a nu in ngun shekel d zanih la-in tuate milima a bawl ngun seekpa a pia hi. , tuapa in a kiseek khat le a kisung milim in a bawl hi. Tuate Micah inn sungah kikoih hi.
5 Hih Micah in biakbukno khat nei a, siampi puan khat le milim pawlkhat bawla a tapate khat siampi dingin a sungah a omsak hi. 6 Tua hunin Israel in kumpi nei lo a, amau hoihsak ciatin gamta uh hi.
7 Judah a Bethlehem panin, Judah bawng’te tawh a tengkhawm Levi-te tangval khat in tua khua nusia in 8 a om nading mundang khat a zong hi. Lamkal ah e Ephraim mualtunga Micah inn a va tung hi.
9 Micah in, "Koi pan na hiam?" ci-in a dong hi.
"Kei Judah a Behtlehem pan Levi-te ka hi-a ka om nading mun zong ka hi hi," a ci hi.
10 Tua ciangin Micah in ama kiangah, "Kei tawh tengkhawm in, ka pa le ka siampipa hong hi inla kum khatin ngun shekel f sawm le na annek ding le na puansilh ding kong pia ding hi," a ci hi. 11 Tua ciangin Levi-pa thukim-a tangvalpa a tapa khat bangin a omsak hi. 12 Tua ciangin Micah in Levi-pa kem a tangvalpa a siampi suakin a inn ah a teng hi. 13 Tuateh Micah in, "Hih Levi-pa ka siampi ahi nungsang kei tungah TOPA migi ding hi," a ci hi.