Meihal Biakna-tau
27
1 "Singkha singin biakna-tau tong ca thum a sang khat dawh in; tua pen a ningkim hi dinga, tong nga sau-in tong nga zai db ding hi. 2 A kiu lite ah ki neisak ciat-in, a ki le biakna-tau sakhat ahi theih nadingin biakna-tau sumngo-in luan in. 3 Van kizang khempeuh - vutbeelte, vutluahnate le thehna kuangkum, salepna sikkate le meiluahnate sumngo-in bawl in. 4 Tua-a zat dingin sumngo-in len phan inla akiu lite ah sumngo kual li vawh in. 5 Siklen in biakna-tau kim ciang a bat toh theih nadingin tua sikkualte biakna-tau khinta nuaiah omsak in. 6 Biakna-tau a zat ding singkha zawl sui inla, tuate sumngo tawh luan in. 7 Biakna-tau a kipuak ciangin tuate a pang lang tuakah a om nadingin a zawlte sikkual bil sungah khum in. 8 Tua biakna-tau singpek tawh bawl inla, a sung hawmsak in. Mual tunga nang hong kilaksa bang tektek hi ding hi.Innhuang
9 "Biakbuk huang neisak in. Leitaw-lam pang tong ec za khat sau-in limtaka kikhuk-a kigan puanzak nei dinga, 10 khuam sawm nih le sumngo bullen sawm nih, le a khuam tungah ngun vankhaite le a ngaknate a om ding hi. 11 A leilu-lam pang zong tong sawmnih sau dinga, puanzak nei-in, khuam sawmnih le sumngo bullen sawm nih a khuamte tungah ngun van khaite le a ngaknate a om ding hi.
12 "A huang nitumna-lam pang tong fd sawmnga zai dinga, puanzak le khuam sawm le bullen sawm nei ding hi. 13 Nisuahna-lam pang nisuak lam manawh in huang zai-na tong sawmnga hi ding hi. 14 Puanzakte a lutna pang khatah tong ge sawm le nga sau in, khuam thum le bullen thumte tawh hi in, 15 apang langkhat-a puanzak tong sawm le nga sau-in khuam thum le bullen thum tawh hi ding hi.
16 "Huang sung lut nadingin adum, adupsan, a-ausan khau, hoih taka kikhuk-a kigan puan - khut tawh phima khuite sep - khuam li le bullen li tawh tong sawm nih hf a sau puanzak khat neisak in. 17 Huang kimkota khuamte khempeuh in, a gakna le vankhaite ngun, a bullente sumngo a nei ding hi. 18 A huang pen tong za khat sau in tong sawm nga zai ig dinga, tong nga jh a sang hoih tak-a kikhuk-a kigan puan le sumngo bullente tawh nei ding hi. 19 Biakbuk sunga nasepna-a kizang adang nate khempeuh, puanbuk khetphimte khempeuh dongin innhuanga kizang peuhmah sumngo kibawl hi ding hi.
Meivak Tunna ading Sathau
20 "Meivakte a kuan tawntung theih nadingin, a kisuk olive thau siang, Israel-te in nang tungah hong puak nadingun thu pia in. 21 Tua Kikhopna Puanbuk sunga, Tecipanna mai puanzak pua-ah Aaron le ama tapate in nitaka kipan zingsang dong TOPA mai-ah mei a kuangsak tawntung ding uh hi. Hih in Israel-te adingin a kiptawntung khang kivaikhakna thuzek hi ding hi.