Piancilna
Thupatna
Piancilna cih kammal pen " kipatna" cihna hi. Piancilna laibu pen tampi kipatcilna - khuavannuai kipatna, numei le pasal kipatna, mihing mawhna kipatna, Pasian thuciamte le hotkhiat nading genkholhna le a tuam vilvel a Pasian le Abraham kizopna kipatna ahi hi. Piancilna in Pasian’ mite le amaute nuntakzia ding a geelna hong gen hi. Hih mite pawlkhat: Adam le Eve, Noah, Abraham, Isaac, Jacob, le Joseph le a sanggamte ahi hi.
Piancilna laibu pen Pentateuch kici - laibu ngate sungah a masapen hi-a, Laisiangtho sunga a masapen bu ngate lakah a khatna ahi hi. Hih laibute thukham laibute zong kici hi. Bang hang hiam cih leh Israel-te adingin Pasian lamlahna le thukhamte kigelhna ahi hi.. Piancilna zong kihel hi. Bang hang hiam cih leh Israel mite Pasian aituam mi ahina tangthu hong gen hi. Hih laibu ngate Thupiakkikna alian nunung pena Moses sihna thu genna longal Moses gelh hi tektek leh kilawm hi.
A thute tomlahna
Khuavannuai, leitung, le mihing (1:1-2:25)
Mihing pukna le mawhna thaman (3:1-5:32)
Noah tangthu (6:1-9:29)
Minamte kikhenthangna (10:1-11:32)
Abraham nuntakna (12:1-25:18)
Isaac le a innkuanpihte (25:9-26:35)
Jacob le a tapate (27:1-37:1)
Joseph nuntakna(37:2-50:26)