Paikhiatna
Thupatna
Paikhiatna pen "paikhia" a hikeh "kikhenkhia" cihna hi. Hih laibu min pen Laisiangtho lui sunga Pasian in ama mite a kepna-a a bawl na lamdang lianpen pan hi - tua pen Israel-te sila pan suakta a Egypt a nusiatna uh ahi hi.
Paikhiatna laibu-ah Pasian mite tangthu kizomsuakin tu-in Israel-te kici hi. Piancilna laibu sungah Israel-te tangthu pen Abraham pan kipan hi.
Egypt pan Israel-te paikhiatpihin a khapsa Canan gam a tunpih dingin a suah huna kipan Moses a teel ahi hi. Hih laibu a kigen phapen a gelhpi Moses ahi hi. Amah a thanem hangin Pasian in ama vang tawh hanthawnin hatsak hi. (7:6-11) Pasian in Israel-te le Egypt-te tungah gimna namsawm tawh a vangliatna laka (7:14-11:10); gimna nunung pen in Israel-te Egypt nusiasak thei hi. Egypt a nusiat ma-un Paisan pawi bawl uh hi.(12)
Pasian in Israel-te sunin meii khuampi lakah, zanin mei khuampi-in lamlakin khualzin kipan uh hi. Amaute Moses in makaih a Tuipi San (Pumpeng Tuipi) kantanin sehnel gam tawn uh a Sinai mualbul ah kum khat teng uh hi. Hih munah Pasian in Israel-te a nuntakzia ding uh le a biakpiakzia ding uh thukhunna thukhamte pia hi.
Pasian le Israel-te kikal thukhun in Israel-te Pasian minam siangtho a hihna kipsak hi. Pasian in amaute Pasian’ mi taktaka a nuntak theih nading uh a huh dingin Thupiak Sawm, siampite le biakbukte a pia hi.
Athute tomlahna
Pasian’ makaipa Moses(1:1-4:31)
Pharaoh tawh kidemna(5:1-13:19)
Egypt pan Sinai Vum (13:20-19:2)
Pasian thukhun le thukhamte (19:3-24:8)
Biak nading biakna-tau (24:9-40:38)