Oluzáalo Lwa Núhu
10
1 Éezi ne empola zo oluzáalo lwa abatábani ba Núhu, bali Shéemu, Háamu na Yaáféeti. Nabo abatábani bakazáala abaana béenzi abo obukwaáta na abo buhalákazi obuchilo enzula ne enzwéelo kázaalekíile. Óolu nílwo lubala lwe nzáala za abaana báabo abo obukwaáta.Oluzáalo lwa Yaáféeti
2 Abaana ba Yaáféeti bakaba bali: Goméeri, Magogu, Madayi, Yaváani, Tubáali, Meeshaki, na Tiraasi. 3 Abaana ba Goméeri bakaba bali: Ashikenáazi, Rifáati, na Togáma. 4 Enzáalwa za Yaváani bakaba bali: Elísha, Tarashíishi, Abakitímu na Abadodanímu. 5 Áaba nibo entaándikilo ze engaanda za abaantu abasaambaliile omúunsi ezili héehi nebyaambo bye enyaanza, buli lugaanda no lulimi lwáabo omúunsi záabo.
Oluzáalo Lwa Háamu
6 Abaana ba Háamu bakaba bali: Kushi, Miísiri, Puti na Kanáani. 7 Abaana ba Kushi bakaba bali: Seba, Havila, Sabita, Ráama na Sabitéeka. Abaana ba Ráama bakaba bali: Shéeba na Dedáani.
8 Weényini Kushi akaba ali iíse wa Nimuroodi, óogwo akaba ali emaanzi ya mbele omuundwana yi ichúmu omúunsi. 9 Akaba ali omuhíigi we enyameéswa ali emaanzi omuméeso go Omukáma Múungu. Níkwo ensoonga abaantu bagaambila baáti, “Íiwe niinka Nimuroodi omuhíigi ali emaanzi omuméeso go Omukáma Múungu.” 10 Ebikaali byo kubaanza byo obutwaalébwe bikaba bili Babéeli, Eréeki, Akáadi, na Káline omúunsi ya Babilooni.a 11 Kuluga óokwo, Nimuroodi yaaza omúunsi ya Ashúuru, yaayoómbeka ebikaali bya Ninawi, Rehobotíiri, Kala na 12 Reséeni, chili echaalo ahagáti ya Ninawi na echikaali chiháango chilikwéetwa Kala.
13 Enzáalwa za Miísiri zikaba zili Abalúudi, Abanáami, Abaleháabi, Abanafutúhi, 14 Abapaturúusi, Abakasulúuhi na Abakafitóori, áabo nibo echitáko cha Bafilísiti. 15 Kanáani akazáala Sidóoni na Héeti. Sidóoni akaba ali omwaanáwe wa mbele wo obukwaáta, na Sidóoni níwe yaabeele omuzéele wa Basidóoni. Kanáani akaba ali echitáko cha Abahéeti, 16 Abayebúusi, Abaamóori, Abagirigáashi, 17 Abahíivi, Abaríiki, Abasíini, 18 Abariváadi, Abasemáari na Abahamáati. Kulugiilila áaho, abaantu be engaanda éezo za Abakanáani bakazeendelela kusaámbaala. 19 Olubibi lwe echaalo cha Abakanáani lukaba nilubaandiza kuluga Sidóoni (olubazu lwa chiziba cha ntúmwa) kwoólekela nyakaziinzákazi kuhika Geráari na Gaza. Kaandi olubibi lwayolekela obutúluka kuhika Sodóma na Gomóra, Adima na Seboimu mpaka Lásha.
20 Áabo nibo enzáalwa za Háamu ezamanyiíkile ahaangaanda záabo, endími záabo, na amahaánga gáabo.
Oluzáalo Lwa Shéemu
21 Shéemu, mukúlu wa Yaáféeti, akaba ali isébo enkúlu wa Abaebéerib bóona. 22 Abaana ba Shéemu bakaba bali: Eláamu, Ashúuru, Alifakisáadi, Lúudi, na Aráamu. 23 Enzáalwa za Aráamu bakaba bali: Usi, Húuli, Getéeri, na Máashi. 24 Alifakisáadi yaamuzáala Shéela, Shéela yaamuzáala Ebéeri. 25 Ebéeri yaábazáala abaana bábili abo obukwaáta, owo obuzigeezo yaamweeta Pelegi,c habwo kuba omubuchilo bwo omubulamíbwe abaantu bo omúunsi bakataáganisibwa obutahulilana endími, baásaambaala. Owa kábili yaámuluka Yokitáani. 26 Yokitáani akazáala Alimadáadi, Sheléefu, Hasarimawéeti, Yéla, 27 Hadoráamu, Uzáali, Diíkila, 28 Obáali, Abimaeli, Shéeba, 29 Ofíiri, Havila, na Yobáabi. Áabo bóona nibo enzáalwa zo obukwaáta ba Yokitáani. 30 Echaalo chíbaabeele batwiilémo chikaba chitaandikiile Méesha kuhika Sefáari, omumabaanga go obutúluka.
31 Áabo nibo enzáalwa za Shéemu ezamanyiíkile ahaangaanda záabo, endími záabo, na amahaánga gáabo.
32 Éezo nizo engaanda za abaana ba Núhu, kwiingana omusoóloongo gwe enzáala yáabo na amahaánga gáabo. Kulugiilila hali éezo enzáala, abaantu baásaambaalila omúunsi yóona, kázaalekeliile enzula ne enzwéelo zo okwiíkisa éensi.