YONA
Ɨkulongwi ɨjitala
ɄYoona aale nyamalago ʉkʉhʉma kʉ vʉtsenge ʉwʉ watambʉlwagwa Gati-Hefa ʉwʉ waale mu kɨlʉnga ɨkya Isilahɨli. Aale nswambe va muunu ʉvɨ aatambʉlwagwa Amitai ʉva kɨkolo ɨkya Zabuloni. Ʉnsɨkɨ ʉgwa gwale gwa vʉtwa wa ntwa ʉYeloboamu ʉva vɨɨlɨ (2 Vakʉlʉdeeva 14:25). Ikange gwale nsɨkɨ ʉgwʉ ɨkɨvʉmbʉkʉ kya Vaisilahɨli vaasʉʉliine siitso na vaanu va kɨvʉmbʉkʉ kya Vaashulu. Pwʉ ʉNtwa ʉNgʉlʉve akansuungʼa ʉYoona ʉkʉbɨha mu vʉtsenge ʉvʉvaha ʉwa kʉ Ashulu ʉwʉ watambʉlwagwa Ninawi. Ʉvʉsumbe wa kʉnsuungʼa waale wa kʉvavʉʉla avaanu ʉkʉta vavʉleke ʉvʉgalo wa veene.
Ɨkɨtabu ɨkɨ kikʉtʉmanyiisa ʉkʉta ʉlʉhʉngu lwa Ntwa lwa vaanu va sivʉmbʉkʉ syoni. Ikange kikʉtʉmanyiisa ʉkʉta ʉvʉnogwe wa Ntwa navʉsigwa nʉ muunu ʉvaveetsaga. ɄYoona aajɨbeelile ɨnyɨlango jya Ntwa, napeene kʉmbele akɨɨdɨka akabɨha ʉkwʉ aasuungʼilwe nʉ kʉvomba ndʉwʉ aanogilwe ʉNtwa. Kʉ vʉmalɨlo ʉYoona akaviipa siitso wʉ ikʉtsivona itsʉ ʉNtwa avavombye aVaninawi.