Diuxi, Xaique roꞌ ni bizáꞌ guiráꞌ
149
¡Guisaca Diuxi!Laguundaꞌ ti saa guna Tata Diuxi;
ca ni qué rucheené laabe, lagusisaca laabe.
2 Laguiecheꞌ israelitacaꞌ, guidxi xtiꞌ Sión,
purtiꞌ Diuxi nga bizáꞌ laatu ne laabe nga Xaique xtitu.
3 Lagusisaca lábe ne guendaruyaa,
laguundaꞌ saa gúnabe ne ridxi xtiꞌ arpa ne pandero.
4 Purtiꞌ Tata Diuxi riechené xquidxi;
rudiibe stipa ca binni nadóꞌ tí ganda quixhedxicaꞌ ca ni qué racalaꞌdxiꞌ laacaꞌ.
5 Laatu ca ni qué rucheené Diuxi, laguiechené guendarireendú,
ne neca nisiaasitu laguundaꞌ nayecheꞌ.
6 Ndaaniꞌ ruaatu guidxá guendarusisaca Diuxi,
ne lu natu guinaazetu ti guiibaꞌ ni gacaꞌ naduxhuꞌ nezaruaa ne nezadeche
7 tí ganda guquíxetu ni, ca ni qué runibiáꞌ Diuxi,
tí ganda gusabanatu ca guidxi roꞌ ca,
8 tí ganda gucaatu yaga ne guiibaꞌ
ca xaique ne ca binni nandxóꞌ xtícabe,
9 tí gacaꞌ ni maꞌ cá lu guiꞌchiꞌ gacaꞌ.
¡Ndiꞌ nga ni guni guisaca ca ni qué rucheené Diuxi!
¡Guisaca Diuxi!