Lii siouꞌ nga Diuxi
Diidxaꞌ ndaayaꞌ xtiꞌ David.
86
Tata Diuxi, bizaalaꞌdxiꞌ naa ne bicaadiaga naa,naguunduꞌ nuaaꞌ ne nazíꞌ nuu xquendanabaneꞌ;
2 gupa naa, naa qué huayuu dxi gucheeniáꞌ lii.
Lii nga Diuxi ni bizáꞌ naa;
¡xpínniluꞌ naa, bilá naa ti naa nabé ricá luáꞌ lii!
3 Bilaselaꞌdxiꞌ naa, Tata Diuxi,
tí lii nga ricá ruaaꞌ guidubi dxi.
4 Tata Diuxi, bisiecheꞌ ladxidóꞌ ni runi xhiiñaluꞌ diꞌ,
lii nga ricá ruaaꞌ.
5 Tata Diuxi, nabé nacháꞌhuiluꞌ, ne ruxhaluꞌ xtonda binni;
nácaluꞌ guendaranaxhii xtiꞌ ca ni rucaa ruaa lii.
6 Tata Diuxi, bicaadiaga ca ndaayaꞌ xtinneꞌ,
¡bicaadiaga ni canabaꞌ lii!
7 Lu xizaa xtinneꞌ ribidxeꞌ lii,
nannaꞌ zucabuꞌ naa.
8 ¡Guirutiꞌ ruꞌ stobi casi lii, Tata Diuxi!
¡Guirutiꞌ ruꞌ zanda guni guiráꞌ guendanandxóꞌ ni ruꞌnuꞌ!
9 Ay Tata Diuxi,
lii bizaꞌluꞌ guiráꞌ ca guidxi roꞌ ca,
ne laacani zeedacani xañeeluꞌ ti ganaxhiicani lii,
ne gusisácani láluꞌ.
10 Lii siouꞌ nga Diuxi;
¡nandxoꞌloꞌ ne ruꞌnuꞌ guendaridxagayaa!
11 Bisiidiꞌ naa sayaꞌ lu xnezaluꞌ, Tata Diuxi,
tí cadi guireecueꞌyaꞌ.
Biꞌniꞌ gusisaca ladxiduáꞌ láluꞌ.
12 Tata Diuxi xtinneꞌ ne Diuxi xtinneꞌ,
zusisaca lii ne guidubinaca ladxiduáꞌ,
ne qué zianadxiéꞌ de gusisaca láluꞌ.
13 ¡Guendaranaxhii ni napuꞌ naa qué gápani xibiáꞌ!
¡Hualaluꞌ naa lu náꞌ guendaguti!
14 Ay Diuxi,
ti lu doo binni qué gapa guendabiaaniꞌ ne naduxhuꞌ,
ca ni qué ganna pa nuuluꞌ,
biásacaꞌ luguiaꞌyaꞌ racaláꞌdxiꞌcaꞌ guuticaꞌ naa.
15 Huaxa lii, Tata Diuxi,
nácaluꞌ ti Diuxi ni ranaxhii ne riáꞌ,
lii qué ridxiichigaluꞌ, nácaluꞌ guendaranaxhii ne ni huandíꞌ.
16 Biiyaꞌ naa, ¡bilaselaꞌdxiꞌ naa!
¡Gupa naa, naa nga xpinnuꞌ!
¡Dané stipa xtiuꞌ naa!
17 Biluíꞌ naa ti guendanachaꞌhuiꞌ xtiuꞌ,
ti ora guꞌyaꞌ ca ni nanalaꞌdxiꞌ naa ni la? guituí lucaꞌ.
¡Tata Diuxi, lii racaneuꞌ naa, ne rusiganiluꞌ ladxiduáꞌ!