Wɛ Nijoŋnu
Malasi Tɔnɔ
Malasi jaanɩ Wɛ kwǝrǝ mʋ o vu o pa Zeruzalɛm tɩʋ tiinə maŋa kalʋ ba na nuŋi sa-tɩʋ yigə yigə Babilɔnɩ nɩ ba joori ba ba, yɩ ba fɔgɩ ba lɔ Wɛ diga kam ba ti tɩn. Maŋa kam kʋntʋ nɩ, nɔɔna bam yigə daa tǝrǝ dɩ ba na tɔgɩ Wɛ cwǝŋǝ kam te tɩn. Malasi ma ta dɩ ba sɩ ba pipiri ba taa zuli Wɛ dɩ cɩga, sɩ ba daarɩ ba taa tʋŋɩ ba tɔgɩ DƖ zaasɩm dɩm na yɩ te tɩn. O ta ma ta dɩ ba o wɩ: Wɛ lagɩ DƖ vaŋɩ ba zwa mʋ. Dɩ kʋ dɩ, Wɛ wʋ́ duri ba yibwənə yɩ DƖ fɔgɩ DƖ kwɛ-ba dɩ ba digiru tɩm. Wɛ nan lagɩ DƖ tʋŋɩ DƖ tɩntʋŋnʋ mʋ sɩ kʋ tu kwɛ cwǝŋǝ kam sɩ DƖ laan ba ba te. Nii 3:1. Wɛ wʋ́ kɩ balʋ maama na jɩgɩ DƖ cɩga tɩn yu-yoŋo.