Wɛ Nijoŋnu
Zakari Tɔnɔ
Maŋa kalʋ Zeruzalɛm tɩʋ tiinə bam na puli sɩ ba joori ba lɔ Wɛ diga kam ba zɩgɩ tɩn, Wɛ nijoŋnə Zakari dɩ Aze dɛɛn mʋ tʋŋɩ daanɩ ba ta Wɛ kwǝrǝ ba brɩ nɔɔna bam. Zakari maŋɩ wǝǝnu nana Wɛ na lɩ DƖ brɩ-o tɩn sɩ nɔɔna bam lwarɩ. Nii pɔɔrɩm 1-6. O laan ma tɔgɩ kʋ baŋa o kɩ baarɩ nɔɔna bam kuri nɩ, sɩ ba kwaanɩ ba tʋŋɩ Wɛ diga kam lɔɔm tɩtʋŋa yam ba ti, sɩ ba ta daarɩ ba taa tɔgɩ cwe sɩlʋ na poli Wɛ wʋʋ tɩn. Zakari ta nii o na maŋa kalʋ Wɛ na wʋ́ kɩ DƖ nɔɔna bam yu-yoŋo, yɩ DƖ daarɩ DƖ tʋŋɩ pɛ wʋlʋ na yɩ DƖ Dam Tu ba tee nɩ tɩn. Nii 9:9. O laan ma brɩ nɩ Wɛ mʋ yɩ lʋgʋ baŋa tɩɩnɩ dɩm maama Yuutu, yɩ Dɩntʋ mʋ wʋ́ pa wǝǝnu maama kɩ tɩ maŋɩ dɩ DƖ na goni ni sɩ tɩ kɩ te tɩn.