4. Wɛ kaanɩm nakwɩ tu wʋm taanɩ
3
Baŋa-Wɛ daa ma lɩ woŋo DƖ brɩ-nɩ yɩ a na Zozwe na yɩ Wɛ kaanɩm nakwɩ tu tɩn. O dɛɛn zɩgɩ Baŋa-Wɛ malɛka kam yigə nɩ mʋ, yɩ Sʋtaanɩ dɩ wʋ o jazɩm seeni sɩ o ŋɔɔnɩ Zozwe yɩra taanɩ o cɔg-o.a 2 Baŋa-Wɛ ma tɔgɩ DƖ malɛka kam baŋa DƖ ta dɩ Sʋtaanɩ DƖ wɩ: «Sʋtaanɩ, Baŋa-Wɛ tɩtɩ mʋ lagɩ DƖ bwɛ‑m! Baŋa-Wɛ maŋɩ DƖ lɩ Zeruzalɛm sɩ kʋ taa yɩ DƖ tɩtɩ nyɩm mʋ, yɩ Dɩntʋ mʋ wʋ́ bwɛ‑m! Nɔɔnʋ wʋntʋ nyɩ dɩ daa kalʋ na jaanɩ mim yɩ ba vaŋɩ-ka ba lɩ dɩ wʋnɩ tɩn mʋ.» 3 Zozwe na zɩgɩ malɛka kam yigə nɩ kʋntʋ tɩn, o dɛɛn zʋ gar-digiru mʋ. 4 Malɛka kam ma ta dɩ balʋ na zɩgɩ ka tee nɩ tɩn ka wɩ: «Lɩ-na gar-digiru tɩm na wʋ o yɩra nɩ tɩn.» O laan ma daarɩ o ta dɩ Zozwe o wɩ: «Nii mʋ. Kʋ brɩ nɩ a yagɩ n lwarɩm dɩm mʋ a ma a cɛ‑m. A laan wʋ́ kwe gwar-ŋʋnnʋ mʋ a lɛ‑m.»b5 Amʋ dɩ ma ta a wɩ: «Kwe-na yuu garyi dɩlʋ na lana tɩn á ma á ba o yuu kʋm.» Ba ma sɩɩnɩ ba kɩ kʋntʋ yɩ ba kwe gwar-ŋʋnnʋ tɩm maama ba zʋ-o. Ba dɛɛn kɩ kʋntʋ yɩ Baŋa-Wɛ malɛka kam zɩgɩ ka niə mʋ.
6 Baŋa-Wɛ malɛka kam laan ma pa Zozwe ni dɩntʋ yɩ ka wɩ:
7 «Paŋwa Tu Baŋa-Wɛ na tagɩ te tɩn mʋ tɩntʋ: Nmʋ na tɔgɩ a cwe sɩm n ŋwɩa wʋnɩ, yɩ n tʋŋɩ n pa-nɩ nɩ a niə yam na brɩ te tɩn, amʋ dɩ wʋ́ pa‑m cwǝŋǝ sɩ n ta n te a sɔŋɔ kʋm dɩ kʋ kʋnkwallʋ tɩm maama. A ta maa wʋ́ pa n ta n jɩgɩ cwǝŋǝ sɩ n tɔgɩ dɩ malɛsɩ sɩlʋ na zɩgɩ yo seeni tɩn n twɛ amʋ te maŋa dɩ maŋa.
8 Zozwe, nmʋ nan na yɩ a kaanɩm nakwɩ tu tɩn, nmʋ dɩ n donnǝ kaanɩm tiinə balʋ na jǝni n tee nɩ tɩn fɔgɩ-na á cəgi a taanɩ dɩntʋ. Abam yɩ mɩmaŋa mʋ sɩ kʋ brɩ wǝǝnu tɩlʋ na bɩɩnɩ jwa seeni tɩn. Nii mʋ, a lagɩ a pa a tɩntʋŋnʋ wʋlʋ ba na bǝ-o nɩ ‹Tiu naga› tɩn zaŋɩ o ba.c 9 A kwe dɩ jɩgɩ sɛ sɩrpɛd. A nan lagɩ a sarɩ pʋpʋnɩm mʋ a yagɩ dɩ baŋa nɩ. Paŋwa Tu Baŋa-Wɛ na tagɩ kʋlʋ tɩn mʋ kʋntʋ. A ta wʋ́ kwe dɛ dɩdwɩ yɩranɩ mʋ sɩ a saarɩ tɩʋ kʋntʋ lwarɩm dɩm maama a yagɩ dáa nɩ. 10 Maŋa kam kʋntʋ nan na yiǝ, abam dɩdʋa dɩdʋa wʋ́ tʋŋɩ o bəŋi o doonə sɩ ba ba ba jǝni dɩd-o o sɔŋɔ woro nɩ, sɩ ba di wʋdiu daanɩ yɩ liǝ tǝrǝ.
Paŋwa Tu Baŋa-Wɛ na tagɩ kʋlʋ tɩn mʋ kʋntʋ.»