Vinyə tiu mɩmaŋɩ
15
Baŋa-Wɛ kwǝrǝ daa tu ka yi amʋ ka wɩ:2 «Nabiinu, gaa wʋ tweeru tɩm maama wʋnɩ, vinyə tiu dɛ wʋ́ taa yɩ sɩ yɩra dɩ tweeru dɩdonnǝ dɩm nɛ sɩm na? Kʋ nɛ sɩm jɩgɩ kuri na? 3 Ba waɩ ba goni-sɩ ba ma ba kɩ woŋo na? Baá kwe kʋ daa ba ma sarɩ paarɩ tɩtɩ dɩ, sɩ ba ma le wǝǝnu da na? 4 Kʋ nan na yɩ te tɩn, nɔɔna maɩ kʋ nɛ sɩm ba dwe mim yɩranɩ mʋ. Sɩ nan na di sɩ daarɩ, bɛ nyɔɔrɩ mʋ sɩ daa jɩga? 5 vinyə tiu nɛ ba jɩgɩ tɩtʋŋɩ yɩ ba wʋ mɛ-sɩ ba dwe mim. Mim nan na zwɛ-sɩ yɩ sɩ ta daarɩ, sɩ tiini sɩ yɩ wo-yɔɔrʋ mʋ.
6 Kʋntʋ ŋwaanɩ, Yuutu Baŋa-Wɛ na tagɩ te tɩn mʋ tɩntʋ: Amʋ na lagɩ a tʋŋɩ kʋlʋ Zeruzalɛm tɩʋ tiinə yɩra nɩ tɩn nyɩ dɩ vinyə tiu nɛ na yɩ te gaa wʋ tweeru tɩm maama wʋnɩ yɩ a pa ba kwe-sɩ ba ma dwe mim tɩn mʋ. 7 A nan wʋ́ dwǝni dɩ ba mʋ. Ba na maŋɩ ba lu mim dɩm wʋnɩ, mim dɩdoŋ daa ta wʋ́ di-ba. Á maa wʋ́ lwarɩ nɩ amʋ mʋ yɩ Baŋa-Wɛ, dɩ amʋ na dwǝni dɩ ba tɩn ŋwaanɩ. 8 Amʋ wʋ́ cɔgɩ ba tɩga kam pa ka ji di-dwəənu yɩranɩ, ba na ba jɩgɩ cɩga ba pa-nɩ tɩn ŋwaanɩ. Yuutu Baŋa-Wɛ mʋ tagɩ kʋntʋ.»