Wʋ-cɔgɔ Tɔnɔ
Wʋ-cɔgɔ Tɔnɔ kʋm yɩ lusəm ləŋə kalʋ na brɩ Zeruzalɛm tɩʋ kʋm yaara na yɩ te maŋa kalʋ Babilɔnɩ tɩʋ jar-kərə bam na tu ba cɔgɩ-kʋ tɩn mʋ. Nɔɔnʋ wʋdoŋ dɛɛn mʋ nɛ tɩʋ kʋm yaara na yɩ te maŋa kam kʋntʋ nɩ tɩn yɩ o pʋpʋnɩ tɔnɔ kʋm kʋntʋ. Dɛ dɩlʋ kʋ dɛɛn yɩ Wɛ nijoŋnu Zeremi mʋ pʋpʋnɩ-kʋ. Dɩ kʋ dɩ, o ta pɛ Wɛ cɩga o wɩ woŋo maama dam wʋ wʋntʋ jɩŋa nɩ mʋ. Nii 3:23. Sɩ kʋ kweeli tɩn, o mɔɔnɩ wɛ-loro mʋ o pa Wɛ sɩ Wɛ joori DƖ ja DƖ nɔɔna bam sɩ ba taa zuli‑DƖ dɩ cɩga. Nii Pɔɔrɩm 5.