Wɛ Nijoŋnu
Ezekɩyɛlɩ Tɔnɔ
Babilɔnɩ tiinə jar-kərə bam dɛɛn jaanɩ Ezekɩyɛlɩ mʋ ba ja ba nuŋi Zeruzalɛm tɩʋ kʋm nɩ ba vu Babilɔnɩ tɩʋ, sɩ kʋ loori ba na wʋ́ cɔgɩ Zeruzalɛm tɩʋ kʋm ba ti tɩn. Wɛ ma pa‑o kwǝri sɩ o kwe o pa o dɩ balʋ na wʋ sa-tɩʋ yigə yigə Babilɔnɩ nɩ tɩn zwa nɩ, dɩ nɔɔna balʋ ta na daarɩ ba wʋ Zeruzalɛm tɩʋ kʋm nɩ tɩn zwa nɩ. Maŋa kam kʋntʋ nɩ, dɩ Zeremi ya ta wʋra o ŋɔɔnɩ dɩ Zeruzalɛm tɩʋ nɔɔna bam mʋ. Ezekɩyɛlɩ dɛɛn yǝni o kwe o tɩtɩ ŋwɩa mʋ o kɩ sɩ kʋ tɔgɩ dɩ kwǝri sɩlʋ o na joŋi Wɛ tee nɩ tɩn. Kuni zanzan o kɩ kʋntʋ sɩ o ma-sɩ o brɩ nɔɔna bam Wɛ na jɩgɩ bʋbʋŋɩ dɩlʋ dɩ ba sɩ DƖ kɩ tɩn mʋ. Wɛ dɛɛn ta yǝni DƖ vɩɩrɩ wo-kɩnkagɩla zanzan mʋ DƖ brɩ-o. Tɩntʋ maama wʋnɩ, Ezekɩyɛlɩ kwaanɩ sɩ o brɩ nɔɔna maama nɩ Baŋa-Wɛ mʋ ba jɩgɩ doŋ. DƖ yɩ tɩga kam baŋa maama Yuutu, yɩ DƖ yɩ dam maama tu.